كرواصة ديال المخبزات 100/100

السلام عليكم و رحمة الله تعالى و بركاته

كرواصة ديال المخبزات 100/100


للمقادير

كيلو ديال الدقيق -
150غ زيت -
150غ سنيدة -
20غ ملح
2ملاعق كبار خميرة معجونة -
2بيضات

500غ زبدة مرغرين

الطريقة
كنوضعو كل المقادير في العجانة ونخلطوهم ونبداو نضيفوا الماء شيئا فشيئا
حتي تجمع هي كتكون قاصحة ونبقاو تندلكوا حتي تولي رطبة
نغطيوها بالبلاستيك الغدائي و نخليوها ترتاح من 20 حتي 25دقيقة




من بعد كنورقوها
و نوضعوا زبدة مقطعة على التلتين ديال العجين و نطويوها على 3




ثم نغلفوها بهاد الشكل و نخليوها ترتاح 20 دقيقة




من بعد كنورقوها من جديد



و نطويوها مرة أخرى و لكن على 4 طيات و بنفس الطريقة غنخليوها ترتاح 20 دقيقة







من بعد كنبقاو نخدموها بهاد التتابع يعني مرة نطويوها على 3 أمرة نطويوها على 4
حتي نكملوا 5 ديال المرات و فكل مرة نخليوها ترتاح 20 دقيقة

من بعد كنورقوها لآخر مرة و نقطعوها متلتات أو مستطيلات حسب الرغبة






و من بعد نويوها على شكل هلاليات بالطريقة المعروفة






ونديروها فالاطات ديال الفرن وندهنوهم بالبيض و نغطيوهوم بالبلاستيك+ شيحاجة آخرة خفيفة
ونخليوها تخمر(باش نربح الوقت كنخدمها بالليل و فصباح عاد كنخبز)









بالصحة والراحة