طريقتي فتحضير المورانغ

(( المورانغ))

اليوم جبت ليكم حاجة ساهلة ورخيصة المورانغ

المقادير:
4أبيض بيض
نصف كيلو سكر كلاصي
قبصة ملح
هد المقادير إلا بغيتي تصاوبيه للتزيين ديال شي طارط أولا كلاص
أما باش ديريه حلوى
فكتزيدي على المقادير
نصف كيلو كاوكاو
ورابعة زبيب

الطريقة:
فإناء نقي ناشف مزيان
متكونش فيه ريحة الماء
ويفضل الزجاج إو إينوكس
نعزلو البيض من الأصفر بعناية
ومتكونش حتى نقطة دالصفر فالأبيض
ونحطو البياض فلإناء اللي قلنامع قرصة ملح
ونديروه فحمام مريم
ونردو البال مدوزش لينا شي قطرة دالماء
ونطربو بالطراب حتى يطلع البياض مزيان
ونزولوه من فوق النار
وحنا كنطربو ونبقاو نزيدو فالسكر شوية بشوية
وحنا مستمرين فالتطراب حتى نكملو السكر
ونزيدو كاوكاو والزبيب
ونخلطو بشوية من التحت للفوق
غير بشوية
ونحطوه بملعقة فطاهة مدهونة بالزيت ومرشوشة بالدقيق
للطياب
الفران يكون دافى
والعافية مهيلة بزاف
ونخلي باب الفران محلول شووية
ونخلية حتى ينشف
قيسيه باصبعك إلا كيهبط راه باقي مطابش
























!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!