كيكة بالعصير والفلان

السلام عليكم

هاد الكيكة ساهلة ماهلة
ان شاء الله تنال اعجابكم

المقادير;
نعبروهم بنفس الملعقة الي تكون كبيرة بحال هادي






2بيضات- 5ملاعق سنيدة-5ملاعق زيت- 5ملاعق عصير-5ملاعق طحين-خمارة حمراء-لباني.




الطريقة;

ناخدو 2بيضات ونطربوهم مع سنيدة





من بعد نزيدو ليهم المقادير الباقية أما الطحين فكنضيفوه شوي بشوي





وكنديروها فالمول




وهاهي طابت






مقادير الكريمة:


نصف حليب ..g45ميزنا..1أصفر بيضة..2ملاعق سنيدة..

نخلط الكل قبل;
انحطوه على النار باش متكركبش لينا المايزينة





نديروه على نار هادئة مع التحريك




منين يتعقد نحيدوه على النار




نكبو الكريمة على الكيكة وهي مزال سخونة باش يسهال علينا نطلقوها







مقادير العصير;

نحتاج لكأس عصيرلي كيعجبو العصير ممكن يدير كأس كبير=فلو=(flan) مع سنيدة =(سنيدة على حسب الدوق)





كنخلطو- فلو-(le flan) مع سنيدة




نديرو الخليط على النار مع التحريك



ومن بعد نصبوه على الكيكة ولكن حتى تبرد الكريمة الاولى الي درناها




وهدا هو الشكل النهائي





بالصحة والراحة



)))))))))))))))))))))))))))))))))))))))))))))))))))))))))))))))))))))))))))