منتديات دكرى
أهلا وسهلا بك زائرنا الكريم، إذا كانت هذه زيارتك الأولى للمنتدى، يشرفنا أن تقوم بالتسجيل إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.

piece montee

استعرض الموضوع السابق استعرض الموضوع التالي اذهب الى الأسفل

piece montee

مُساهمة من طرف wama في الثلاثاء مايو 12, 2009 4:11 am




الكيكة الإسفنجية
بالطراب الكهربائي نخدمو6 بيضات+ رشة ملح+ كاس و ربع سكر+2 كؤوس طحين+ ملعقة كبيرة خميرة كيماوية , نصبو الخليط في مول خاص بالكيك دائري الشكل مدهون بالزبدة و مرشوش بالطحين وإلى الفرن حتى تنضج نخليوها تبرد و نقطعوها طبقات حسب الرغبة ونكرر عمل كيكة أخرى ولكن هذه المرة بنصف المقادير فقط نصبها في مول الكيك على شكل قلب أصغر من الكيكة الأولى و عندما تنضج نقطعها طبقات أيضا بعدد طبقات الكيكة المستديرة. نسقيوهم بجوج بسرو علبتين من الأناناس ندهن كل طبقة بالكريم شانتيي نوزع بين الطبقات قطع الأناناس اللي قطعناها مكعبات ثم نغطي الكيكات بجوج بالشانتيي كنتمنى الفكرة تكون وصلات. ثم نتركوهم جانبا ونمشيو نعجنو شوية الباستياج اللي خصنا نكونو حضرنا من قبل بيومين .
الباستياج:
نصف كيلو سكر صقيل مغربل+150g نشا+2 أوراق جيلاتين مذوبة في5cl ماء مغلي + ملعقة صغيرة خل أو عصير ليمون حامض+ بعض القطرات من روح اللوز أو فاني حسب الذوق. نحاولو نجمعو الناصر كلها إذا بقيت جافة نضيف بضع قطرات من الماءالمهم خاصها غير تجمع لينا و تكون قاسحة/ صلبة شي شوية نديروها في كيس بلاستيك و نحتفظو بها غير فشي ركن في المطبخ ماشي الثلاجة لمدة يومين. نرشو شوية النشا فوق طاولة الإشتغال ندلكوها شوية بيدينا حتى تطوع نعاودو نرشو بالنشا و نطلقوها بالمدلك حتى تصبح ورقة واحدة ونغلفو بها الكيكة المستديرة نقطعو الفائض اللي لتحت بالسكين و نكرر العملية بالنسبة للكيكة الثانية اللي على شكل قلب بعدما نزولو الفائض نهزوها بشوية و نوضعوها فوق الكيكة الأولى اللي غلفنا بالطبع من قبل. إيوا دابا أراك للديكور.
أنا فهاد الحلوة صاوبت مجدول بالباستياج و لفيتو بين الجوج كيكات و قطعت الفائض بالسكي و باش نغطي العيب قسمت الباستياج اللي بقى لى عدة أقسام خلطت مع كل قسم شي لون حسب الموجد أنا كان عندي غير أخضر أحمر أصفر خلطت كل قسم بلون من هادو و خليت واحد أبيض وخديت أبيض آخر خلطت معاه شوية من الأحمر عطاني وردي وشوية من الأحمر مع الأصفر عطاني برتقالي فكروني فالعجين ديال المدرسة أيام الطفولة و ختكم بدات تلعب هههههه مهم كل لون عملت منو خمسة كوريرات ضغطت عليها حتى صبحت دائرة و دورت الدائرة الأولى على نفسها وبديت نلف عليها الدوائر اللي من نفس لونها حتى حصلت على شكل وردة لفيتها من جهة وحدة جيدا و خليت الجهة الأخرى مفتحة و اللون الأخضر عملت به الأوراق دهنتهم بشوية الماء و لصقتهم هم الأولين ومن بعد الوريدات ثم زينتهم بشوية الفانيد المفضض ثم حطيت هادوك العروسة و لعريس لفوق فيها وبالنسبة للديكور عطا الله مايدار خاص غير الكانة شوية تمارة و لكن صعيبة غير البداية مني تولفي غاديا تولي
تجيك ساهلة










::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

wama
عضو جديد
عضو جديد

انثى
عدد الرسائل : 21
العمر : 40
Personalized field :
تاريخ التسجيل : 20/03/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى